Pas pranimit të letrës së dërguar nga Organizatat e Shoqërisë Civile, Kryeprokurori i Shtetit Aleksandër Lumezi i është përgjigjur duke garantuar se do veprohet në pajtim me ligjin dhe se rasti do të trajtohet me përkushtim maksimal dhe profesionalizëm.

Vlen të theksohet që për sa i përket emërimeve politike në bordet e ndërmarrjeve publike, çështje e cila po trajtohet intenzivisht për pothuajse një vit tashmë nga Institute for Development Policy (INDEP), Instituti GAP dhe Group for Legal and Political Studies, z. Lumezi ka deklaruar se tashmë në bashkëpunim të ngushtë me AKK-në kanë ndërmarrë disa veprime konkrete dhe se në kohën e duhur do të veprojnë në përputhje me dispozitat ligjore.